تبلیغات
azarbaycan452 - بیر شعر بولود قره چورلو دن (سهند )
باری توپراغا بورجون قویما چیخا یادیندان آخی چوخ یاتاجاق سان بو توپراق آلتیندا سن
درباره وبلاگ

آرشیو

آخرین پستها

پیوندها

پیوندهای روزانه

صفحات جانبی

نویسندگان

آمار وبلاگ

Admin Logo
themebox

تقویم
خبر
تقویم گیلکی

حامیان محیط زیست آذربایجان

تبلیغ

بیر شعر بولود قره چورلو دن (سهند )

گئجه دیر، عالمه چوكوب قارانلیق
افقلر تاپدانیب یئره یامانیب
هر یان، قوو وورورسان قولاق توتولور
فیكیرده، دویغودا، دونوب دایانیب
آی كوسوب اوز قویوب زهره یه ساری
گونش یولوب توكوب زرلی ساچلارین
ظلمت بایراق آچیب یئرین اوزونده
دگیشیب عالمین قایدا- قرارین
بیر چاققالدا هورمور، قورددا اولامیر
بایقوشلاردا باشین چكیب قینینا
اولوم قواند گریب یئرین اوزونه
هر شئی شبهه لنیر وار اولدوغونا
كوشنی بوروین سوكوت الیندن
سوكوت جانا دویور، فریادا گلیر
داریخیب هووكوروب هارای چكیرم
دره لر دیسگینیب، داغلار ترپنیر:
- اولدوزلو گویلره – آیلی گویلره
قوزقون كیمی قاناد گه رن بولودلار!
دومانلار ایچیندن، چنلر ایچیندن
جانیخمیش بیر انسان سیزی هارایلار!
اهرمنلر، دوزاق قوروب یولومدا
قورخورام- قورخورام من قارانلیقدان!
دیشین شاققیلدادیر، برلدیر گوزون
هر كولون دیبیندن، منه بیر شیطان

گونشی سالسادا گئجه قویویا
یئنه ده گویلرده، اولدوز وار، آی وار
دئیرلر گئجه لر یولدان آزانلار
اولدوزلارا باخیب، یولونو تاپار
چكیلین، چكیلین، چكیلین آمان!
عومرومون گویوندن چكیلین بیر آن!
قویون ایشیق سالسین یوللاریما آی
یولومو سوروشوم من اولدوزلاردان
اولدوزلار، اولدوزلار، آمان اولدوزلار
نه دن گوز باسماییب پاریلداشمیرسیز؟
هارداسیز؟ هارادا ایتیب باتیب سیز؟
نییه ساكیت- ساكیت پیچیلداشمیرسیز؟
یوخسا باتلاقلیقا باتیبدی ((بهرام))؟
((كیوانین)) غصه دن بوكولوب بئلی؟
((اولكرین)) سالخیمی پوسگوندن دوشوب؟
((زهره)) نین سازینین قیریلیب تئلی؟
سانكی بولوتلاردا یوخویا باتیب
بختیمدن گویده بیر شیمشكده شاخماز!
بستانچی بابادا باش آتیب یاتیب
چاخماغینی چالماز، فنارین یاخماز!
اولدوزلار اوزاقدیر، سمالر درین
انسانا یئردندی وارسا هر هارای
یوز بئله باغیرسام، سیتقاسامدا من
یولونو دگیشمز گونش، اولدوز، آی


گئجه دیر، عالمه چوكوب قارانلیق
افقلر تاپدانیب یئره یامانیب
هر یان، قوو وورورسان قولاق توتولور
فیكیرده، دویغودا، دونوب دایانیب
آی كوسوب اوز قویوب زهره یه ساری
گونش یولوب توكوب زرلی ساچلارین
ظلمت بایراق آچیب یئرین اوزونده
دگیشیب عالمین قایدا- قرارین
بیر چاققالدا هورمور، قورددا اولامیر
بایقوشلاردا باشین چكیب قینینا
اولوم قواند گریب یئرین اوزونه
هر شئی شبهه لنیر وار اولدوغونا
كوشنی بوروین سوكوت الیندن
سوكوت جانا دویور، فریادا گلیر
داریخیب هووكوروب هارای چكیرم
دره لر دیسگینیب، داغلار ترپنیر:
- اولدوزلو گویلره – آیلی گویلره
قوزقون كیمی قاناد گه رن بولودلار!
دومانلار ایچیندن، چنلر ایچیندن
جانیخمیش بیر انسان سیزی هارایلار!
اهرمنلر، دوزاق قوروب یولومدا
قورخورام- قورخورام من قارانلیقدان!
دیشین شاققیلدادیر، برلدیر گوزون
هر كولون دیبیندن، منه بیر شیطان

گونشی سالسادا گئجه قویویا
یئنه ده گویلرده، اولدوز وار، آی وار
دئیرلر گئجه لر یولدان آزانلار
اولدوزلارا باخیب، یولونو تاپار
چكیلین، چكیلین، چكیلین آمان!
عومرومون گویوندن چكیلین بیر آن!
قویون ایشیق سالسین یوللاریما آی
یولومو سوروشوم من اولدوزلاردان
اولدوزلار، اولدوزلار، آمان اولدوزلار
نه دن گوز باسماییب پاریلداشمیرسیز؟
هارداسیز؟ هارادا ایتیب باتیب سیز؟
نییه ساكیت- ساكیت پیچیلداشمیرسیز؟
یوخسا باتلاقلیقا باتیبدی ((بهرام))؟
((كیوانین)) غصه دن بوكولوب بئلی؟
((اولكرین)) سالخیمی پوسگوندن دوشوب؟
((زهره)) نین سازینین قیریلیب تئلی؟
سانكی بولوتلاردا یوخویا باتیب
بختیمدن گویده بیر شیمشكده شاخماز!
بستانچی بابادا باش آتیب یاتیب
چاخماغینی چالماز، فنارین یاخماز!
اولدوزلار اوزاقدیر، سمالر درین
انسانا یئردندی وارسا هر هارای
یوز بئله باغیرسام، سیتقاسامدا من
یولونو دگیشمز گونش، اولدوز، آی

 

هله لیك بو منم، بودا قارانلیق
گوزلریم بره لیر قارا ظلمته
باشین قارانلیقا دویور باخیشیم
بلكه بیر یول آچا نورانییته
آنجاق هر گئجه نین دالی گوندوز دیر
هر بیر فلاكتین قورتولوشو وار
حیاتین یوللاری دره- تپه دی
هر یئنیشین ایسه، بیر یوققوشو وار
اورك چوخ دردلنیر، گوز چوخ یاشاریر
لاكن حیات بوتون درد و غم دئییل
بو آجی گونلرین، شیرینی ده وار
عومور تك توی دئییل، تك ماتم دئییل
هر دردین داواسین آختارماق گرك
نه چیخار ییخیلیب زاریلداماقدان؟
تلاشسیز قوللارین قووتی اولماز
یول گئتمه سه چاتماز مقصده انسان
سحری آختاران گئجه دن قورخماز
آلیرام الیمه تلاش عصاسین
اگر گویدن یئره قطران یاغسادا
اوزوب گئچمه لییم ظلمت دریاسین
امید هر نه قدر ضعیف اولسادا
بوتون دوگونلری بوشالدار، آچار
امید بیر قیغیلجیم، بیر قور اولسادا
تونقاللار یاندیرار، آلولار ساچار
یئنه باغیریرام، هارای سسیمدن

دره لر دیلله نیر، داغلار سسلنیر
یئر- گوی فریادیمدان زنهارا گلیر
قایالار دیسگینیر، داشلار ترپنیر
سانكی بیر اشارتی گوز وورور منه
اوزاخدا جانسیز بیر ایشیق پارالاییر
ائله بیل گئجه نین اودویا بیلیر
یادا قارانلیغین باغری چاتلاییر
ایشیقدان اوزانان ضعیف شوعالار
باغلانیر كونلومه قزیل بیر ساپ تك
منیده اوزایله چكیر آپاریر
او بیر یوماق كیمی، سریتله نرك
قاپی- پنجره سیز بیر آبده ده
هانسی نیازلی ال بیر شام یاندیرمیش
محتاج بیر كونولون بوش التجاسی
بو سونوك اوجاغی ایشیقلاندیرمیش
بوردا كیم وار منه یول نشان وئره؟
بیر برباد بنا دیر، بیر قورتارمیش شام
بو شام چكر اولسا سون نفسلرین
مطلق قارانلیقدا، بوغالاجاغام
هیسلی تاخچالاردا، ساخسی پوسوزلر
اوستونه قات با قات توز- تورپاق قونوب
یاخیلان شاملارین ایستی گوز یاشی
توكولوب، هر یاندا لای با لای دولوب
بوردا بوز باغلاییب دونیبدیر داشا
حاجتلی گوزلرین توكدیگی یاشلار

باغلی دوگونلری آچانماسادا
منیم گئجه می كی ایشقلاندیرار
توزلو پوسوزلری پی له دولدوروب
یاندیریرام، شامین سون شعله سینه
بیر آندا آبده چراغبان اولور
سوندیگی شاملارین، گدازه سیله
ایشیق قارانلیقی قووورائشیگه
گورونور بیر سگگیز بوجاقلی بنا
اونومو قورودیر مرموز بیر جذبه
كونول مفتون اولور باخدیقجان اونا!
تاخچالاردا ییغیم- ییغیم كار- كاغاذ
جیلیدلی- جیلیدسیز، كهنه كیتابلار
باسیلیب باشینا تورپاق اله ییب
زمانلاردان اسیب گلن روزگار
سوادسیز، یازیسیز ساده ائللرده
قدیملردن قالان بیر عادتده وار
او هرجور كیتابا، هر جور باسقیا
ندنسه مقدس گوزیله باخار
اونا حرمتلی دیر هر یازی، هر خط
نه یاندیرماق اولار، نه آتماق اولار
((شبهه لی اللردن)) احتراس دئیه
قاچیردار مسجده، اوجاغا قویار
اونا گوره ده بو بیغوله لرده
بعضا دوغروداندا آبده لر وار
انسان دویغوسونون خزانه لرین

بو ویرانه لردن، آختارماق اولار
گاهداندا گورورسن بیر مجاورین
فاجعه قوپارار زیانكار الی
آنلاماز- آنلایار یئر قازار قویلار
كار- كاغذ قاریشیق، بو اینجی لری
ایچیمده درین بیر آختاریش حسسی
((كتابلاری آختار)) دیه- باغیریر!
ائله بیل گورونمز بیر سس، بیر ندا
تاخچانین ایچبیندن منی چاغیری ر
كتابلاری بیر- بیر آچیب باخیرام
جوربه جور قرآن دیر آنجاق چوخوسو
بیر آن نفسیمی دالی قایتاریر
قالخان توز- تورپاغین آجی قوخوسو
بودا، مئشین جیلید قالین بیر بیاض
دئیه سن، كهنه بیر ال یازماسی دیر
بوز وراقلارینا قونان لكه لر
تك توز- تورپاق دئییل، زامان پاسیدیر
توستولو پوسوزون دار ایشیغیندا
آچیرام قارشیما كهنه بیاضی
بورنومدا كیفسه میش كاغذین ایگی
گوزومو اوخشاییر گوزل بیر یازی
گوزوم دولاندیقجا وراقلاریندا
بیاضدان بیر قاپی آچیلیر منه
قاپیدا سانكی بیر آت باغلانیبدیر
منی آپاراجاق باشقا عالمه

خیالیم سئچراییر آتین بئلینه
باخیشلاریم جلو، گوزلریم یوین
یورتیرام كئچمیشین درینلرینه
چاپاراق چیخیرام زامان قیدیندن
گونلر، آیلار، ایللر دالی قاییدیر
قالخیر مزاریندان اولو بابالار
قاریجیق آنالار قوللارین آچیر
منی قارشیلاییر ائللر- اوبالار
آدامی تانییان یئرده قورد یئسین
هامیسی بیر به بیر اوزومدن اوپور
((اوروز)) پیچیلداییر ((دلی دوندارا)):
" بیلمم نئچه مینجی نوه سییم من"
آذرلر یوردونون شن دوزلرینده
آلاجا سیوانلار یئنه قورولور
شرفیمه بویوك قوناقلیق اولور
دوه لر كسیلیر، قویون قیریلیر
ایتی شرابلارین آغزی آچیلیر
اوجاقلار یاخیلیر، كبابلار پیشیر
هر آن یئنی دسته یئتیشیر یولدان
ارنلر، خاتینلار آتلاردان دوشور
اللرده صراحی اینجه گوزللر
سو سوناسی كیمی سوزور- ساللانیر
دولوب بوشالدیقجا زر پیاله لر
یاناقلار گللنیر، توتور- آللانیر

جیران سوروسو تك قیزلار- گلینلر
گولوشور، قاچیشیر چمنلر اوسته
گاهدان توپلانیبدوره قورورلار
الوان چیچك كیمی دسته به دسته
اردملی ایگیتلر، قادین آنالار
كیمی صحبت آچیر، كیمی ساز چالیر
كیمی آت اوینادیر، كیمی اوخ آتیر
ائلین شنلیك سسی عرشه اوجالیر
گورك كیملر گلیر قوناقلیقیما؟
عصرین آدلی- سانلی قهرمانلاری
قاریجیق انالار، قوجا بابالار
اوغوز سویلارینین، اولو خانلاری
((بایندیرخان)) گلیر، ((بیگ اوروز)) گلیر
((قارا گونه)) گلیر، ((خان قازان)) گلیر
((قیان سلجوق)) گلیر، ((بیه رك)) گلیر
((دلی دومرول)) گلیر، ((بوغاج خان)) گلیر...
معرفت یولونون آیدین چراغی
قوجالار قوجاسی، ائللر آتاسی
بئزن میسگینلرین امید دایاغی
بوتون مشگللرین موشگولگشاسی
((قورقود دده)) گلیر الینده قوپوز
اودوملو الینی ارخاما چالیر:
- اوغول ائللریوه خوش گلدین دئییر
هر طرفدن آلقیش سسی اوجالیر
باخیرام ائلیمه، بابالاریما

باخدیقجا فخریمدن باشیم اوجالیر
اوز گونوم، طالعیم گلیر اونومه
گوزوم آیاغیما تیكیلی قالیر
اوپورم دده نین جومرد الینی:
- آتا، اوغلون همت دیله ییر سندن
بیل كی ائللریمین حالی یاماندیر
اسیرگه مه خیر دعاوی مندن
زاماندیر بیزلره فلك گوز اگیب
پولاد اوز قیلینجلار قیندا پاسلانیب
شاهباز آیغیرلارین پیی كسیلیب
جیدالار اگیلیب، كندیر اوفانیب
اودالار تالانیب، ائولر ییخیلیب
مرد ایگیتلر اولوب، اوره ك داغلانیب
حصارلار آلینیب، اوردو باسیلیب
دوداقلار تیكیلیب، قول لار باغلانیب
آلتونلی بان ائولر، تالانا گئدیب
ائو ییه سی گئجه كوچه ده یاتیر!
بوز بالتاسی كیمی جومرد ایگیتلر
دیوارلار دیبینده پرتاقال ساتیر!
كولگه لی آغاجلار كوكدن قورویوب
بولاقلار كورلانیب، كهریزلر باتیب
آلیجی قوشلارین قانادی سینیب
اسلان یاتاقیند تولكولر یاتیب
اوبالاردا نه توی نه بایرام اولور
نه قوپوز چالینیر، نه مرد اویونور

نه بیر اوزان گلیر نغمه اوخویور
نه بدو آتلارین ایچی دویونور
لاله لی دوزلرده تیكان گویه ریب
نه قوزو مه لشیر، نه جیران قاچیر
قوشلاردا یوردومدان كوسوب گئدیبلر
گویده نه بیر دورنا، نه سونا اوچور
معیشت ایگیده آغیر یوك اولوب
كیمی باش گوتورور گئدیر سرگردان
كیمی بالالارین آلیر دیشینه
قاچیر دیاریندان، دوغما یوردوندان!
دوو توشوب دیرناقسیز نامرد الینه
دیشی باتان یئرین اتین قوپاردیر
دیل آچیب دیلینده دانیشانلارین
چكیر بوغازیندان دیلین چیخاردیر!
بیرجه دار گونلرین دار آخشامیندا
خلقین احوالینا شافاق قان آغلار
قهرمان ائلیوی نه گونه سالمیش
گور بو قارا دوران، گور بو روزگار
بیر اورك آرادان ایكی بولونوب
آیاقدا قانلیدیر، باشدا قانلیدیر
آغ ساچلی آنالار قارا گئیینیب
یاناقدا قانلیدیر، یاشدا قانلیدیر!
اوتانیرام سنه ((اوغلونام)) دئیم
بیلیرم یانیندا قارادی اوزوم
دردی من ائشیدنی سن

سن دوزنمه ینده، من نئجه دوزوم؟
وطنین شاماماسی
دوغرانیب دیلیم- دیلیم
تیكیلیب دوداغیم
قاداخلانیب دیلیم
هر پارچام، هر تیكه م
بیر قورد آغزیندا!
بابامین كسگین قیلینجی
پاسلانیب، چورویوب قیندا
...
نامحرم قوجاقیندا!
مرد ایگیتلریم داردا
بو دیاردا، او دیاردا
...
((آذر لییم)) دئین
پاپاغی قیللی- قیلچیقلی
اوز- گوزو سنگر پالچیقلی
دونمز جومردلریم...
بیلمیرم هاردادی...
هار.... دا....
قولاغ آس آتا!
بو دردلی اوغلووا قولاغ آس!
هانسی دردیمی دئیم؟
هانسی نیسگیلیمی دئیم؟
سیزدن سونرا نامردلر
دوغراخ- دوغراخ
دوغرادی دیاریمی
دوغرادیلار ایرانیمی...
بیر ووروشدا
اوزون، اوغلون، نوه سین

قربان وئردی ((شئری)) بابام...
...
آلانمادیم قانیمی
بیرده كی نانكورلار
بیر قورو دیلیمیده منیم –
الیمدن آلدیلار
بیر قاریش یئریمدنده
منی بایرا سالدیلار
هارای قوپارتدیم
جان آتدیم
اولمادی- اولمادی
ایندی...
اوروشده بدوو آت شیهه سیندن
نر اوغول نعره سیندن
سس سمیر یوخدو
اللرده قالان آنامین
های... هارای چكمكدن
چیخدی جانی:
بابكیم، كوراوغلوم، شاه اسماعیلیم ها... نی؟
****
دده ملول- ملول باخیر اوزومه
باخیشیندا آیدین بیر اینجیكلیك وار
اولادین پریشان، ناتوان گورسه
شبهه سیز هر آتا مكدر اولار
اوغول نییه مندن همت ایسترسن؟
تورپاق اسیرینین الینده نه وار؟
هر عاشقین بئش گون دورانی واردیر
هر عصرین اوزونون بیر ((قورقودو)) وار
كیم اوز ثروتینی قبره آپارمیش؟
یا هانسی آتانی گوردون دونیادا

عمرینده چالیشیب قازاندیغینی
بوراخیب گئتمه یه آخیر اولادا؟
من اوز حیاتیمدا هر نه قازاندیم
عاغیلدان، كمالدان، علم و ذكادان
توخوم ائیله ییبن بو یئرده اكدیم
سیزلره تاپشیردیم اولدیگیم زامان
آنجاق هر اوغولون اوزونه قالیر
آتا ثروتیندن نجور بارینا
بیر گونده كول ائدیب گویه سووورا
یاداكی قات- قاتدا، آرتیرا اونا
بیز اگر باش اوجا، ایگیت یاشادیق
نامرده اگمه دیك اونو هئچ زامان
یاد ائللی دشمانا تسلیم اولمادیق
قانیمیز آخدیسا داماریمیزدان
دورد اللی توتمادیق بیز بو دونیانی
حیاتی، شرفده، مردلیكده بیلدیك
یاشادیق، شرفلی یاشاماق اوچون
ساواشدیق، ووروشدیق، اولدوردیك، اولدیك
گویلره یورد سالدیق قاراقوش كیمی
قارقا قوزغون اولوب، لئشه قونمادیق
اسلان تك جب لرده یاتاق ائیله دیك
تولكو تك گونده مین كلك یونمادیق
نامرده مرد اولدوق، حقه قول اولدوق
یاخشیا، یاخشی اولدوق، یامانا، یامان
السیزلری ازیب آیاخلامادیق
آمانسیز دشمانا، وئرمه دیك آمان

اوغولا نه گرك دده نین مالی
اگر اوغول اولسا، اگر مرد اولسا!
آتانین ثروتی هارا چاتاجاق
اوغول دده سینه یامان درد اولسا!
آتانین آدینی باتیران اوغول
آتانین یوردوندا قالماسا اییدیر
ایگیتده، ایگیت لیك، ناموس، عار گرك
ناموس سیز اوغولللار اولماسا اییدیر!
اوغول نییه مندن همت ایسترسن؟
تورپاق اسیرینین الینده نه وار؟
هر عاشیقین بئش گون دورانی واردیر
هر عصرین اوزونون بیر ((قورقودو)) وار
من اوز زمانه می یاخشی تانیدیم
یاخشی یول گوستردیم، یاخشی یول گئتدیم
ائلیمه اوستاد بیر گمیچی اولدوم
توفانلاردان كئچدیم، ساحله یئتدیم
سنده اوز عصریوی دریندن تانی
گز- دولان زامانین ((قورقودون)) آختار
راكت دورانیندا، آتم عصرینده
اپریمیش ((قورقددان)) سیزه نه چیخار؟
هر زامان باش اوجا یاشاماق اوچون
او عصرین هنرین اویرنمك گرك
آتایا گوونمك هنر دئییلدیر
دونیادا هنره گوونمك گرك
گئت قوجا دده دن همت دیله مه

همت وئره جكسن، همتین اولسا!
آتاوین چیراغین یانار ساخلارسان
شرفین، هنرین، غیرتین اولسا!
منیمده الیمدن بو گلیر آنجاق
سنی كئچمیشونله ائیله یم تانیش
باش اوجا یاشاماق ایسته سن اگر
باخ گور بابالارین نئجه یاشارمیش
من بو دونیالاردا گزیشن زامان
بیلمیرم نه ساعت یوخوم آپاریر
یا منیم كونلومو رویالار آلیر
یاداكی پوزوسون یاغی قورتاریر
بیر زامان آییلدیم آچدیم گوزومو
ایشیق قارانلیقی باسیب بو غوردو
گئجه نین شلمه سی قانا باتمیشدی
سحر آچیلیردی، گونش دوغوردو
((دده مین)) اپریمیش، توزلو كیتابین
بیر آبده كیمی قوجاقلامیشدیم
گئجه می سحره چاتدیرمیشدیمسا
بیر وراخدان آرتیق اوخومامیشدیم



نوشته شده توسط :babak
پنجشنبه 10 اسفند 1391-ساعت 15 و 02 دقیقه و 20 ثانیه
نظرات() 

شارژ رایگان بدون قرعه کشی
یکشنبه 13 اسفند 1391 ساعت 12 و 09 دقیقه و 41 ثانیه
با سلام
بدون قرعه کشی شارژ ایرانسل و همراه اول رایگان 10 هزار تومانی بگیرید
فقط برای مدت محدود
پس همین الان کلیک کنید
http://q.gs/3YtIo
با تشکر
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.